...... മികവിന്റെ വിദ്യാലയം ......കാളികാവിനു സ്വന്തം ... ....മികവിന്റെ വിദ്യാലയം ......കാളികാവിനു സ്വന്തം ... ....മികവിന്റെ വിദ്യാലയം ......കാളികാവിനു സ്വന്തം ... ....മികവിന്റെ വിദ്യാലയം ......കാളികാവിനു സ്വന്തം ... .....
............മോഡല്‍ ഗവ.യുപി സ്കൂള്‍ കാളികാവ്................... വിജ്ഞാന വിശുദ്ധിയുടെ വിദ്യാലയം ........................ സ്ഥാപിതം 1915 .............

2012, ഒക്‌ടോബർ 18, വ്യാഴാഴ്‌ച

ബഹിരാകാശം മാനവസുരക്ഷക്ക്



ബഹിരാകാശ വാരാഘോഷം

വിക്രം സാരാഭായ് സ്പേസ് സെന്റര്‍ ബഹിരാകാശ വാരാഘോത്തിന്റെ ഭാഗമായി സ്കൂള്‍ തലത്തില്‍ പ്രവര്‍ത്തനങ്ങള്‍ ഒരുക്കുന്നതിന് എല്ലാ വിദ്യാലയങ്ങളിലേക്കുമായി അയച്ച കത്തിനെ അടിസ്ഥാനമാക്കിയാണ് നമ്മുടെ വിദ്യാലയത്തിലും ബഹിരാകാശ വിസ്മയത്തെക്കുറിച്ചുള്ള അറിവ് കുട്ടികള്‍ക്ക് സ്വാംശീകരിക്കാന്‍ സാഹായകമായ തരത്തിലുള്ള പ്രവര്‍ത്തനങ്ങള്‍ ഒരുക്കിയത്. 'ബഹിരാകാശം മാനവസുരക്ഷക്ക് ' എന്നാശയം വിദ്യാര്‍ത്ഥികളില്‍ എത്തിക്കാന്‍ ഉതകുന്ന തരത്തിലുള്ള പ്രവര്‍ത്തന പദ്ധതിയാണ് വിദ്യാലയത്തില്‍ ഒരുക്കിയത്.

വിദ്യാലയ SRG യോഗം ചേര്‍ന്ന് ബഹിരാകാശ വാരാഘോഷം പ്രവര്‍ത്തനങ്ങള്‍ വിദ്യാലയത്തിലൊരുക്കാന്‍ തീരുമാനിക്കുകയും പ്രവര്‍ത്തനങ്ങള്‍ ആസൂത്രണം ചെയ്യുന്നതിനും നടപ്പിലാക്കുന്നതിനും സയന്‍സ് ക്ലബ്ബിനെ ചുമതലപ്പെടുത്തി.ബഹിരാകാശ വാരാഘോഷ പ്രവര്‍ത്തനങ്ങള്‍ ആസൂത്രണം ചെയ്യുന്നതിനും അവ നടപ്പിലാക്കുന്നതിനുമായി നിര്‍വ്വഹണ കമ്മിറ്റിയെയും തീരുമാനിച്ചു.
 
എന്‍. ബി. സുരേഷ് കുമാര്‍ മുഖ്യ രക്ഷാധികാരി
        സി. ഷൗക്കത്തലി രക്ഷാധികാരി
പ്രീതി. പി കണ്‍വീനര്‍ WSW
ജിഷ ജോ. കണ്‍വീനര്‍ WSW
രജീഷ്. കെ SRG കണ്‍വീനര്‍
അബ്ദുല്‍ സലാം സ്റ്റാഫ് സെക്രട്ടറി
ബാബു ഫ്രാന്‍സിസ് ഗണിത ക്ലബ്ബ് കണ്‍വീനര്‍
മുരളീകൃഷ്ണന്‍ SS ക്ലബ്ബ് കണ്‍വീനര്‍
.കെ. ഭാസ്കരന്‍ SSG കണ്‍വീനര്‍
സമീദ് വൈ. പ്രസിഡന്റ് PTA


പ്രവര്‍ത്തന കലണ്ടര്‍

ഒക്ടോബര്‍- 4 ഉദ്ഘാടനം
ഒക്ടോബര്‍-4 പ്ലക്കാര്‍ഡ് നിര്‍മാണം
ഒക്ടോബര്‍-5വിളംബരജാഥ
ഒക്ടോബര്‍-5 ബഹിരാകാശ ശില്പശാല
ഒക്ടോബര്‍-6 ഫീല്‍ഡ് ട്രിപ്പ്
ഒക്ടോബര്‍-8 ആകാശത്തേക്കൊരു കിളിവാതില്‍ - CD പ്രദര്‍ശനം
ഒക്ടോബര്‍-9 റോക്കറ്റ് നിര്‍മ്മാണം,
ഒക്ടോബര്‍-9ചാര്‍ട്ട് മത്സരം - പ്രദര്‍ശനം
ഒക്ടോബര്‍-10 ബഹിരാകാശ ക്വിസ്സ്




ബഹിരാകാശ വാരാഘോഷം

ഉദ്ഘാടനം - 04-10-12

ബഹിരാകാശവാരാഘോഷത്തിന്റെ ഭാഗമായുള്ള പ്രവര്‍ത്തനങ്ങളുടെ ഔപചാരിക ഉദ്ഘാടനം ബഹുമാനപ്പെട്ട കാളികാവ് ഗ്രാമപഞ്ചായത്ത് പ്രസിഡന്റ് ആലിപ്പറ്റ ജമീല ഉദ്ഘാടനം ചെയ്തു. ബഹിരാകാശത്തിന്റെ വിസ്മയങ്ങള്‍, അറിവുകള്‍ ശേഖരിക്കുന്നതിനും പങ്കുവെക്കുന്നതിനും ഈ വാരാഘോഷത്തിലൂടെ സാധ്യമാകട്ടെയെന്ന് പ്രസിഡന്റ് തന്റെ ഉദ്ഘാടന പ്രസംഗത്തില്‍ സൂചിപ്പിച്ചു. ഹെഡ്മാസ്റ്റര്‍ എന്‍.ബി.സുരേഷ് കുമാര്‍, പി.ടി.എ പ്രസിഡന്റ് സി. ഷൗക്കത്തലി തുടങ്ങിയവര്‍ സംസാരിച്ചു.

പ്ലക്കാര്‍ഡ് നിര്‍മാണം 04/10/12


ബഹിരാകാശ വിശേഷങ്ങള്‍, സന്ദേശങ്ങള്‍ പങ്കുവെക്കു ന്നതിനു സഹായകമായ തരത്തില്‍ പ്ലക്കാര്‍ഡുകള്‍ നിര്‍മിക്കുന്നതിനു ക്ലാസടിസ്ഥാനത്തില്‍ മത്സരം ഉണ്ടായിരുന്നു.മത്സരത്തില്‍ എല്‍.പി,യു.പി വിഭാഗങ്ങളില്‍ നിന്നായി 350തില്‍ പരം കുട്ടികള്‍ പങ്കാളികളായി

വിളംബരജാഥ 05/10/12


വിദ്യാലയത്തിലെ മുഴുവന്‍ കുട്ടികളെയും അണിനിരത്തി വിളംബരജാഥ സംഘടിപ്പിച്ചു. വിളംബരജാഥയില്‍ കുട്ടികള്‍ തയ്യാറാക്കിയ ബഹിരാകാശ നേട്ടങ്ങളും വിശേഷങ്ങളും അറിയിക്കുന്ന പ്ലക്കാര്‍ഡുകളും ഉണ്ടായിരുന്നു.വിദ്യാലയത്തില്‍ നിന്ന് തുടങ്ങിയ റാലി ബി.പി.ഒ ആന്‍ഡ്രൂസ് മാത്യു ഫ്ലാഗ് ഓഫ് ചെയ്തു.


ബഹിരാകാശ ലോകം. ശില്പശാല...05/10/12



സൗരയൂഥത്തെ കുറിച്ചുള്ള കൂടുതല്‍ അറിവുകള്‍ പങ്കുവെക്കുന്നതിനായാണ് ബഹിരാകാശവുമായി ബന്ധപ്പെട്ട് കുട്ടികളുടെ സംശയങ്ങള്‍ ദൂരീകരിക്കുന്നതിന് സഹായകമായ തരത്തില്‍ ഒരു ശില്പശാല ഒരുക്കിയത്. ഗ്രഹങ്ങളും, നക്ഷത്രങ്ങളും തുടങ്ങിയ നിരവധി കാര്യങ്ങള്‍ കുട്ടികളുമായി പങ്കുവെക്കാന്‍ അധ്യാപകനും നക്ഷത്രനിരീക്ഷികനുമായി ശ്രീ. ബെന്നി പുല്ലങ്കോടിന് സാധിച്ചു. വെള്ളിയാഴ്ച്ച ഉച്ചക്ക് 2 മണിക്ക് ആരംഭിച്ച ശില്പശാല ഹെഡ്മാസ്റ്റര്‍ എന്‍.ബി. സുരേഷ് കുമാര്‍ ഉദ്ഘാടനം ചെയ്തു. 80 കുട്ടികള്‍ പങ്കെടുത്തു.വൈകീട്ട് ടെലിസ്കോപ്പിലൂടെ ചന്ദ്രനെയും, നക്ഷത്രങ്ങളെയും നിരീക്ഷിക്കുന്നതിന് സഹായകമായ തരത്തിലുള്ള ക്രമീകരണങ്ങളും ഒരുക്കിയിരുന്നു. വളരെയധികം വിസ്മയത്തോടെയാണ് കുട്ടികള്‍ ഓരോ പ്രവര്‍ത്തനങ്ങളിലും പങ്കാളികളായത്.


പ്ലാനറ്റോറിയം - ഫീല്‍ഡ് ട്രിപ്പ്... 06/10/12



ആകാശ വിസ്മയങ്ങളുടെ കൂടുതല്‍ അറിവുകള്‍ തേടിയാണ് സയന്‍സ് ക്ലബ്ബിന്റെ നേതൃത്വത്തില്‍ 50ല്‍ പരം കുട്ടികളും, അധ്യാപകരും കോഴിക്കോട് പ്ലാനറ്റോറിയത്തിലേക്ക് ഒരു ദിവസത്തെ സന്ദര്‍ശത്തിനായി പോയത്. ജോതിശാസ്ത്രത്തിലെ പുത്തന്‍ അറിവുകളും ചന്ദ്ര ഗ്രഹണം, സൂര്യഗ്രഹണം, സൗരയൂഥത്തിലെ ഗ്രഹങ്ങളെയും, നക്ഷത്രങ്ങളെയുമൊക്കെ കുറിച്ചുള്ള അറിവുകളും, ബഹിരാകാശ ദൗത്യങ്ങള്‍ കൂടുതല്‍ അറിയുന്നതിനും ഈ ഫീല്‍ഡ്ട്രിപ്പ് ഏറെ സഹായകമായി...

ആകാശത്തേക്കൊരു കിളിവാതില്‍ ….....
CD പ്രദര്‍ശനം 
ആകാശകാഴ്ചകളും അവിടുത്തെ വിസ്മയങ്ങളും പ്ലാനറ്റോറിയത്തില്‍ നിന്നും ഏതാനും ചില കുട്ടികള്‍ക്ക് മാത്രമെ മനസ്സിലാക്കാനായൊള്ളു. വിദ്യാലയത്തിലെ മുഴുവന്‍ കുട്ടികള്‍ക്കും ഇതിനൊര വസരമൊരുക്കുന്നതിന് വേണ്ടിയാണ് 'ബഹിരാകാശ ലോകം' CD പ്രദര്‍ശനം ഒരുക്കിയത്. 3 മുതല്‍ 7 വരെ ക്ലാസുകളിലെ അറനൂരില്‍ പരം കുട്ടികള്‍ക്ക് CD പ്രദര്‍ശനം വീക്ഷിക്കുന്നതിന് അവസരം ഒരുക്കി.


ചാര്‍ട്ട് നിര്‍മ്മാണ മത്സരം. 09/10/12




ബഹിരാകാശവാര്‍ത്തകളും, ചിത്രങ്ങളും, വിശേഷങ്ങളും, ശേഖരിക്കുന്നതിനും അവ ക്ലാസടിസ്ഥാനത്തില്‍ ചുമര്‍ പത്രങ്ങളുമായി തയ്യാറാക്കുന്നതിനുമുള്ള അവസരമാണ് കുട്ടികള്‍ക്ക് നല്‍കിയത്. ഓരോ ഗ്രൂപ്പും ഒരുക്കിയ ചാര്‍ട്ടുകള്‍ എല്ലാവര്‍ക്കും വീക്ഷിക്കുന്നതിനും വിവരശേഖരത്തിനുമായി ചാര്‍ട്ടുകളുടെ പ്രദര്‍ശനവും ഒരുക്കി...

.
ബഹിരാകാശ ക്വിസ് 10/10/12





ബഹിരാകാശ വാരാഘോഷവുമായി നടത്തിയ പ്രവര്‍ത്തനങ്ങളിലൂടെ കുട്ടികള്‍ക്ക് നേടാനായ അറിവുകള്‍ പരിശോധിക്കുന്നതിനും പുതിയ ധാരണകള്‍ കൈവരിക്കുന്നതിനും സഹായകമായ തരത്തിലാണ് ക്വിസ് മത്സരം സംഘടിപ്പിച്ചത്. ക്ലാസടിസ്ഥാനത്തില്‍ മുഴുവന്‍ കുട്ടികളെയും പങ്കെടുപ്പിച്ച് മത്സരങ്ങള്‍ മത്സരങ്ങള്‍ ഒരുക്കുകയും ചെയ്തു. ഓരോ ക്ലാസില്‍ നിന്നും 4 കുട്ടികള്‍ വീതമാണ് സ്കൂള്‍ തല മത്സരത്തില്‍ പങ്കെടുക്കുന്നതിന് യോഗ്യത നേടിയത്. 25 ചോദ്യങ്ങളാണ് സ്കൂള്‍ തല മത്സരത്തിലുണ്ടായിരുന്നത്



റോക്കറ്റ് നിര്‍മ്മാണം 09/10/12





നിങ്ങള്‍ക്കൊരു റോക്കറ്റു് നിര്‍മ്മിക്കാമോ? ഇങ്ങനെയൊരു മത്സരത്തില്‍ കുട്ടികള്‍ ആദ്യമായാണ് പങ്കെടുക്കുന്നത്. എങ്ങനെയാണ് റോക്കറ്റ് നിര്‍മിക്കുക. പ്ലാനറ്റോറിയത്തിലെ റോക്കറ്റ് കുട്ടികള്‍ക്ക് ഏറെ കൗതുകം പകര്‍ന്നതാണ്. അത്തരെമൊരു ധാരണയിലാണ് കുട്ടികള്‍ റോക്കറ്റ് നിര്‍മാണ മത്സരത്തില്‍ പങ്കെടുത്തത്. ഏവര്‍ക്കും കൗതുകമുണ്ടാക്കുന്ന തരത്തില്‍ 5C ക്ലാസിലെ റെന്ന ഹാരിസാണ് മികച്ച റോക്കറ്റ് മാതൃക ഒരുക്കിയത്.




2012, ഒക്‌ടോബർ 5, വെള്ളിയാഴ്‌ച

മുത്തശ്ശിക്കഥ കേള്‍ക്കാനല്ല; സാന്ത്വനം പകരാന്‍ കുരുന്നുകളെത്തി...


നിര്‍മല ഭവനില്‍
ആശ്വാസത്തിന്റെ കരങ്ങളുമായി
സ്നേഹ സാന്ത്വന യാത്ര...

ഒക്ടോബര്‍ - 1 വയോജന ദിനമാണ്.
വാര്‍ദ്ധക്യം നല്‍കിയ അവശതയില്‍ സാന്ത്വനമേകേണ്ടവര്‍ കൈവിട്ട മുത്തശ്ശിമാര്‍ അധിവസിക്കുന്ന ചോക്കാട് നിര്‍മല ഭവനിലേക്ക് കുട്ടികളുമായി വിദ്യാരംഗം ക്ലബ്ബിന്റെ നേതൃത്വത്തില്‍ 40 കുട്ടികളും അധ്യാപകരും യാത്ര നടത്തിയത്.
മധുര പലഹാരങ്ങള്‍ ഉള്‍പ്പെടെ കൈനിറയെ സമ്മാനങ്ങളുമായിട്ടെത്തിയ ഇളം പൈതങ്ങളെ നിറ കണ്ണുകളോടെയാണ് മുത്തശ്ശിമാര്‍ സ്വീകരിച്ചത്.
തീര്‍ത്തും വിഭിന്നമായ അന്തരീക്ഷമാണ് നിര്‍മല ഭവനില്‍ കുട്ടികളെ കാത്തിരുന്നത്. പ്രായമായവര്‍ ആയിരുന്നു ഏറെയും, മക്കളാല്‍ ഉപേക്ഷിക്കപ്പെട്ടവര്‍, ആരോരുമില്ലാത്തവര്‍, രോഗികള്‍, ബുദ്ധിമാന്ദ്യം സംഭവിച്ചവര്‍ ശരീരിക അവശതയനുഭവിക്കുന്ന ഈ മുത്തശ്ശിമാരെ, അമ്മമാരെ,ആദരിച്ചും ആശ്വസിപ്പിച്ചും സ്നേഹം പകര്‍ന്നും മനസുകീഴടക്കുകയായിരുന്നു കുട്ടികള്‍.

ആസിഫ്, ഫര്‍ഷിന്‍, ഇജാസ് അഹമ്മദ്, അംന ഷെറിന്‍, ഫിഷ ഫഹ്മി തുടങ്ങി.. കുട്ടികള്‍ പാട്ടുപാടിയും മധുര പലഹാരങ്ങള്‍ നല്‍കിയും അശരണരായവരെ സാന്ത്വനിപ്പിക്കുകയായിരുന്നു.

സമൂഹത്തില്‍ കഷ്ടതയനുഭവിക്കുന്ന ആളുകള്‍ ധാരാളമാണ്. അവരുടെ പ്രയാസങ്ങളും കഷ്ടതകളും അറിയുമ്പോഴാണ് നാമെത്ര ഭാഗ്യശാലികളെന്ന് തിരിച്ചറിയുക. അറിവിന്റെ പടികള്‍ കടന്നുപോകുമ്പോള്‍ പ്രായമായവരെ ബഹുമാനിക്കേണ്ടതിന്റെയും സ്നേഹിക്കേണ്ടതിന്റെയും ആദരിക്കേണ്ടതിന്റെയും ആവശ്യകത... അവരെ വിസ്മരിരുതെന്ന ബോധ്യം ഇവ ലഭ്യമാകുകയായിരുന്നു ഈ സ്നേഹസാന്ത്വന യാത്രയിലൂടെ..










2012, സെപ്റ്റംബർ 20, വ്യാഴാഴ്‌ച

ആഘോഷങ്ങള്‍ വെറുമൊരു ആഘോഷമല്ല...

ആഘോഷങ്ങള്‍ വെറുമൊരു ആഘോഷമല്ല...

ഓണം - പെരുന്നാള്‍ ആഘോഷം വിദ്യാലയത്തില്‍.

റംസാന്‍ ആഘോഷം അതിന്റെ പരിസമാപ്തിയില്‍ എത്തുമ്പോഴാണ് മലയാളികളുടെ ആഘോഷമായ ഓണക്കാലം വന്നെത്തുന്നത്.  ദിനാചരണങ്ങളും  ആഘോഷങ്ങളും കുരുന്നുകള്‍ക്ക് മികച്ച അനുഭവമാക്കുന്നതിന് വിദ്യാലയം എല്ലായ്പ്പോഴും ശ്രമിക്കാറുണ്ട്. പി.ടി.എ യുടെ നേതൃത്വത്തില്‍ ഓണം - പെരുന്നാള്‍ ആഘോഷം സംഘടിപ്പിക്കാന്‍ വിദ്യാലയം തീരുമാനിച്ചപ്പോള്‍ അവ മികവുറ്റ രീതിയില്‍ ഒരുക്കുവാന്‍ അധ്യാപകരും വിദ്യാര്‍ത്ഥികളും രക്ഷിതാക്കളും  സന്നദ്ധരായി.
ആഗസ്റ്റ്- വെള്ളിയാഴ്ച്ചയാണ് വിദ്യാലയത്തിലെ ഓണം പെരുന്നാള്‍ ആഘോഷം, പൂക്കളം ഒരുക്കല്‍, മൈലാഞ്ചി മത്സരം, ഉറിയടി തുടങ്ങിയ മത്സരങ്ങള്‍ വിദ്യാര്‍ത്ഥികള്‍ക്കായി ഒരുക്കി. പ്രീ-പ്രൈമറി മുതല്‍ 7-ാം തരം വരെയുള്ള കുരുന്നുകള്‍ പൂക്കളമൊരുക്കലീല്‍ സജീവമായി മനോഹരങ്ങളായ പൂക്കളം തീര്‍ക്കാന്‍ കുട്ടികള്‍ വാശിയോടെ മത്സരിച്ചു.

മൈലാഞ്ചി മൊഞ്ച് കുരുന്നുകൈകളില്‍ മനോഹരങ്ങളായ ഡിസൈനുകള്‍ ഒരുക്കി കാഴ്ചക്കാരെ വിസ്മയിപ്പിക്കുകയായിരുന്നു കുട്ടികള്‍. നിശ്ചിതസമയത്തിനുള്ളില്‍ നയന മനോഹരങ്ങളായ ചിത്രങ്ങള്‍ കൈകളില്‍ നിറഞ്ഞു.

ഉറിയടി മത്സരം ആണ്‍കുട്ടികള്‍ ആഘോഷത്തോടെയാണ് ഏറ്റെടുത്തത്. കണ്ണുകെട്ടി മരകൊമ്പില്‍ കെട്ടിവെച്ചിരിക്കുന്ന മണ്‍കലം തല്ലിപൊട്ടിക്കാന്‍ കുരുന്നുകള്‍ ഏറെ പരിശ്രമിച്ചു. കാഴ്ചക്കാരെ നിര്‍ത്താതെ ചിരിപ്പിച്ചായിരുന്നു കലം പൊട്ടിക്കല്‍ മത്സരം അരങ്ങേറിയത്.

രുചിയുള്ള ആഹാരം...

വിദ്യാലയത്തിലെ മുഴുവന്‍ കുട്ടികള്‍ക്കും സ്വാദിഷ്ടമായ ആഹാരം ഒരുക്കിയിരിക്കുന്നു. തേങ്ങച്ചോറും ഇറച്ചിക്കറിയും, പായസവും, സാലഡ് , അച്ചാര്‍ എന്നീ വിഭവങ്ങള്‍ കുട്ടികള്‍ക്ക് ഏറെ പ്രിയപ്പെടുന്നതായിരുന്നു. ആഹാരമൊരുക്കാന്‍ പി.ടി.എ ഭാരവാഹികളും നിരവധി രക്ഷിതാക്കളും വിദ്യാലയത്തില്‍ എത്തിയിരുന്നു. ആഹാരം തയ്യാറാക്കാനും വിതരണംചെയ്യാനുമൊക്കെ രക്ഷിതാക്കള്‍ ഏറെ ആവേശത്തോടെയാണ് പങ്കാളികളായത്.

വിദ്യാലയത്തിലെ കുട്ടികള്‍ക്ക് ആഘോഷത്തിന്റെ ഒരുദിനം സമ്മാനിക്കുകമാത്രമായിരുന്നില്ല ഈ ദിനത്തില്‍ കുട്ടികള്‍ക്കൊരുക്കിയ ആഹാരത്തിന്റെ ഒരു പങ്ക് കാടിന്റെ മക്കള്‍ക്ക് നല്‍കാന്‍ സസന്തോഷം നാം തയ്യാറായി.
ചേനപ്പാടിയിലെ ഓണാഘോഷം...

വിദ്യാലയത്തിലെ ആഘോഷം അവസാനിച്ച് നൂറുപേര്‍ക്കുള്ള ആഹാരവും പൂക്കലുമൊക്കെയായി കുട്ടികളും അധ്യാപകരും, പി.ടി.എ അംഗങ്ങളും യാത്രതിരിച്ചത്. കാടിന്റെ മക്കള്‍ക്കൊപ്പം ഓണം ആഘോഷിക്കാന്‍ ദുരിത ജീവിതം തള്ളിനീക്കുന്ന ചേനപ്പാടിക്കാരെ കുറിച്ച് മാധ്യമങ്ങളില്‍ വായിച്ച വിദ്യാര്‍ത്ഥികള്‍ ഓണാഘോഷം ആദിവാസികളോട് കൂടിയാക്കാന്‍ തീരുമാനിക്കുകയായിരുന്നു. ഉള്‍കാടിനോട് ചാര്‍ന്ന കോളനിയില്‍ സാഹസപ്പെട്ടാണ് കുട്ടികള്‍ എത്തിയത്. കോളനിയില്‍ വിദ്യാര്‍ത്ഥികള്‍ പൂക്കളം തീര്‍ത്ത ശേഷമാണ് ആദിവാസികള്‍ക്ക് ഓണ സദ്യ നല്‍കിയത്.

മൂപ്പനോടൊപ്പം...

നൂറ്റിയഞ്ച് വയസ് പൂര്‍ത്തിയായ മൂപ്പനായിരുന്നു ചേനപ്പാടിയില്‍ കുട്ടികള്‍ക്ക് കൗതുകമായത്. നല്ല കാഴ്ചശക്തി, ചെവികേള്‍ക്കാം, നടക്കാനും പ്രയാസമില്ല, കുട്ടികളോട് ഏറെനേരം സംസാരിക്കാന്‍ മൂപ്പന്‍ ആവേശമായിരുന്നു. തന്റെ ബാല്യം, വിവാഹം, കാടിന്റെ ദൈവം തുടങ്ങിയ കാര്യങ്ങള്‍ മൂപ്പന്‍ കുട്ടികളോട് പങ്കുവെച്ചു.
കാളികാവ് ഫോറസ്റ്റ് റേഞ്ച് ഓഫീസര്‍ സജികുമാര്‍ രായിരോത്ത് ഓണാഘോഷം ഉത്ഘാടനം ചെയ്തു. പ്രധാനാധ്യാപകന്‍ സുരേഷ് കുമാര്‍, പി.ടി.എ പ്രസിഡന്റ് സി. ഷൗക്കത്തലി, പി.ടി.എ അംഗം നജീബ് ബാബു, അയ്യൂബ്, മാതൃഭൂമി ലേഖകന്‍ ശിഹാബുദ്ദീന്‍ കാളികാവ്, പ്രാദേശിക ചാനല്‍ പ്രവര്‍ത്തകന്‍ കൃഷ്ണകുമാര്‍, മനോരമ ലേഖകന്‍ അനന്തു കൃഷ്ണന്‍ അധ്യാപകരായ ബാബു ഫ്രാന്‍സിസ്, തേജസ് രവി, റസിയ സി.എച്ച്, രജീഷ്, മുരളീകൃഷ്ണന്‍, ജുവൈരിയ, ഷാക്കിറ എന്നിവര്‍ ചേനപ്പാടിയില്‍ എത്തി.

കാടിന്റെ മക്കളുടെ ജീവിതം നേരിട്ടറിയുന്നതിന് അതിന്റെ ഓര്‍മകള്‍ പ്രയാസങ്ങള്‍ക്ക് അല്‍പ്പം ആശ്വാസം പകരാന്‍ ആയ സന്തോഷത്തിലാണ് ഞങ്ങള്‍ കോളനിയില്‍ നിന്ന് പടിയിറങ്ങിയത്.



























2012, ഓഗസ്റ്റ് 14, ചൊവ്വാഴ്ച

നിയമ പാലകര്‍ക്ക് സ്നേഹപൂര്‍വ്വം.....

നിയമ പാലകര്‍ക്ക് സ്നേഹപൂര്‍വ്വം.....

പ്രിയപ്പെട്ട കാളികാവിലെ പോലീസുകാരെ,
ഞങ്ങളെ തേടി,ഞങ്ങളുടെ കുടുംബങ്ങളെ തേടി...
ലഹരി വസ്തുക്കളുമായി വന്ന്
നമ്മുടെ നാടിന്റെ സമാധാനം തകര്‍ക്കാന്‍
നോക്കിയ കുറ്റവാളികളെ പിടികൂടിയ നിങ്ങള്‍ക്ക്
ഞങ്ങളുടെ അഭിനന്ദനങ്ങള്‍.........
                               കാളികാവ് ബസാര്‍ സ്കൂളിലെ കുട്ടികള്‍.....
                 ജൂലൈ 25ന് രാവിലെ വന്‍ കഞ്ചാവ് വേട്ടയുടെ വാര്‍ത്തകേട്ടാണ് നാടുണര്‍ന്നത്. കാളികാവ്, കരുവാരകുണ്ട്, പുല്ലങ്കോട്, ചോക്കാട് പ്രദേശങ്ങളില്‍ വിറ്റഴിക്കാനായി എത്തിയ 16 കിലോ കഞ്ചാവാണ് കാളികാവ് പോലീസ് പിടിച്ചെടുത്തത്. വിദ്യാര്‍ത്ഥികളെയടക്കം ഈ റാക്കറ്റില്‍ കണ്ണികളാക്കി ഉപയോഗപ്പെടുത്തുകയാണിവര്‍ ചെയ്യുന്നത്. ഇത്തരത്തില്‍ ഒരു നാടിന്റെ യുവത്വത്തെ ലഹരിക്കടിമയാകാനുള്ള ശ്രമത്തെ ഇല്ലാതാക്കാന്‍ നമ്മുടെ പ്രദേശത്തെ നിയമപാലകര്‍ക്കായി...
ഈ സംഭവത്തിന്റെ പ്രാധാന്യം കണക്കിലെടുത്താണ് വിദ്യാലയത്തിലെ കുരുന്നുകള്‍ (മാതൃഭൂമി, സീഡ് ക്ലബ്ബിലെ കുട്ടിപോലീസ്) കാളികാവ് പോലീസ് സ്റ്റേഷനില്‍ സന്ദര്‍ശനം നടത്തുകയും പോലീസ് സേനയെ അനുമോദനങ്ങള്‍ അറിയിക്കുകയും ചെയ്തത്. സീഡ്പോലീസ് ക്യാപ്റ്റന്‍ ആസിഫ്. ഇ എസ്. ഐ പി. രാധാകൃഷ്ണന് പൂച്ചെണ്ട് കൈമാറി. ദില്‍റൂബ. സി മിഠായിയും വിതരണം ചെയ്തു.

എസ്. ഐ പി. രാധാകൃഷ്ണനോടൊപ്പം എ.എസ്.ഐ ചാത്തുകുട്ടി, സീനിയര്‍ സിവില്‍ പോലീസ് ഓഫീസര്‍മാരായ സുരേഷ്, മോഹന്‍ദാസ്, കരീം, സിവില്‍ പോലീസ് ഓഫീസര്‍ ഷാഫി തുടങ്ങിയവര്‍ വിദ്യാര്‍ത്ഥികളെ സ്വീകരിച്ചു.

വളരെ നല്ല അനുഭവമാണ് ഈയൊരു സന്ദര്‍ശനത്തിലൂടെ കുട്ടികള്‍ക്ക് ലഭിച്ചത്. പോലീസ് സ്റ്റേഷനും അവിടുത്തെ പ്രവര്‍ത്തനങ്ങളും മനസ്സിലാകുന്നതിനൊടൊപ്പം 'സാമൂഹ്യ നന്മ' വളര്‍ത്തല്‍ നിയമപാലകര്‍ എത്രമാത്രം സഹായകമാണെന്ന് മനസ്സിലാക്കാനും സാധിച്ചു.

2012, ഓഗസ്റ്റ് 10, വെള്ളിയാഴ്‌ച

വീരജവാന് വിദ്യാലയത്തിന്റെ ആദരം

വീരജവാന് വിദ്യാലയത്തിന്റെ ആദരം...
കാര്‍ഗില്‍ യുദ്ധം ഇന്ത്യന്‍ ജനതക്ക് മറക്കാനാകാത്തതാണ്. ഇന്ത്യയുടെ മണ്ണില്‍ പാക് അധീശ്വത്വത്തെ ചെറുത്ത് തോല്‍പ്പിച്ച് സ്വന്തം രാജ്യത്തിന്റെ വിജയത്തിനുവേണ്ടി പൊരുതി മരിച്ച ജവാന്‍മാരുടെ വീരസ്മരണ കൂടി ജൂലൈ 26ന് കാര്‍ഗില്‍ വിജയദിനാഘോഷം സംഘടിപ്പിക്കുമ്പോള്‍ നമ്മുക്കു മുന്നിലുണ്ടാകും.

നമ്മുടെ പ്രദേശത്തിനും, വിദ്യാലയത്തിനും ഓര്‍മകളില്‍ നിന്ന് മായ്ക്കാനാകാത്ത വേരാണ് വീര ജവാന്‍ അബ്ദുല്‍ നാസറുടേത്. 1999 ല്‍ കാര്‍ഗില്‍ മലനിരകളില്‍ ശത്രുപക്ഷത്തിന്റെ ഷെല്ലാക്രമണത്തില്‍ കൊല്ലപ്പെട്ട വീരജവാന്‍ കാര്‍ഗില്‍ യുദ്ധവിജയത്തിന് 2 ദിവസം മുന്‍പാണ് നാടിനെ ദുഃഖത്തിലാഴ്ത്തിയ ഈ സംഭവം.

1976ല്‍ പൂതോകോട്ടില്‍ മുഹമ്മദിന്റെയും ഫാത്തിമ സുഹ്റയുടെയും മകനായി ജനിച്ച അബ്ദുല്‍ നാസര്‍ കാളികാവ് ബസാര്‍ സ്കൂള്‍, CHS അടക്കാകുണ്ട്, മാര്‍ത്തോമ കോളേജ് ചുങ്കത്തറ എന്നിവിടങ്ങളില്‍ നിന്നും വിദ്യാഭ്യാസം പൂര്‍ത്തിയാക്കി 1997 ലാണ് ഇന്ത്യന്‍ മിലിട്ടറിയില്‍ RFN ക്ലാര്‍ക്കായി അബ്ദുല്‍ നാസര്‍ ജോലിയില്‍ പ്രവേശിച്ചത് 2വര്‍ഷങ്ങള്‍ക്ക് ശേഷം 1999 ല്‍ ആണ് നാസര്‍ കൊല്ലപ്പെട്ടത്.

13 വര്‍ഷങ്ങള്‍ക്കിപ്പുറം വീണ്ടുമൊരു ജൂലൈ 26 കടന്നുവരുമ്പോള്‍ കാര്‍ഗില്‍ വിജയത്തിന്റെയും വീരജവാന്‍ അബ്ദുള്‍ നാസറിന്റെ ജീവത്യാഗത്തിന്റെ ഓര്‍മകളും ഈ നാടിന്റെ മുന്നിലുണ്ടാവണം. ഈ സംഭവങ്ങളെ വിദ്യാര്‍ത്ഥികളിലൂടെ മുന്നില്‍ എത്തിക്കുന്നതിനും, ദേശസ്നേഹം വളര്‍ത്തുന്നതിന് സഹായകവുമായ തരത്തില്‍ ഇത്തരം പ്രവര്‍ത്തനങ്ങളെ മാറ്റിയെടുക്കാനാണ് ഒരനുസ്മരണ പരിപാടി വിദ്യാലയം സംഘടിപ്പിച്ചത്.

അബ്ദൂല്‍ നാസറിന്റെ മാതാവ് ഫാത്തിമ സുഹ്റ വിദ്യാലയത്തിലെത്തുകയും പ്രത്യേകമായി തയ്യാറാക്കിയ അബ്ദൂല്‍ നാസര്‍ സ്മൃതി മണ്ഡപത്തില്‍ പുഷ്പാര്‍ച്ചന നടത്തുകയും ചെയ്തു. അധ്യാപകരും, വിദ്യാര്‍ത്ഥികളും വീരജവാന്റെ ഓര്‍മക്കു മുന്നില്‍ ഒരുപിടി പുഷ്പങ്ങള്‍ അര്‍പ്പിച്ചു.

ഹെഡ്മാസ്റ്റര്‍ എന്‍. ബി. സുരേഷ് കുമാര്‍ അബ്ദുല്‍ നാസര്‍ അനുസ്മരണ പ്രഭാഷണം നടത്തി. സി. എച്ച്. റസിയ, അബ്ദുല്‍ സലാം തുടങ്ങിയവര്‍ സംസാരിച്ചു.

ഈയൊരു ദിനം വിദ്യാലയത്തിനും വിദ്യാര്‍ത്ഥികള്‍ക്കും ഏറെ അഭിമാനം നല്‍കുന്നതായിരുന്നു. തന്റെ രാജ്യത്തിനു വേണ്ടി ജീവന്‍ വെടിഞ്ഞ ഒരു ധീരന്‍ തങ്ങളുടെ വിദ്യാലയത്തിലെ പൂര്‍വ്വവിദ്യാര്‍ത്ഥിയായിരുന്നു... തങ്ങളുടെ സഹോദരനായിരുന്നു...

- ജയ് ഹിന്ദ് -


2012, ജൂലൈ 24, ചൊവ്വാഴ്ച

വിദ്യാലയം... പ്രവര്‍ത്തന നിരതം.


..

ജൂലൈ14
തുഞ്ചന്‍ പറമ്പില്‍ ഒരു വിദ്യാലയ പ്രവര്‍ത്തനത്തിന് തുടക്കം കുറിക്കുന്നതിന്റെ പ്രാധാന്യം

തുഞ്ചന്റെ മണ്ണില്‍.....
സാഹിത്യ ജാലകം മിഴിതുറക്കുമ്പോള്‍...

മലയാള ഭാഷയുടെ പിതാവ് തുഞ്ചത്ത് രാമാനുജന്‍ എഴുത്തച്ഛന്റെ ജന്മസ്ഥലമായ തിരൂര്‍ തുഞ്ചന്‍ പറമ്പിലേക്കൊരു യാത്ര.. വിദ്യാരംഗം കലാസാഹിത്യ വേദിയുടെ സ്കൂള്‍തല ഉദ്ഘാടനത്തിന്റെ ഭാഗമായാണ് 45 കുട്ടികളും 5 അധ്യാപകരുമടങ്ങുന്ന സംഘം ഭാഷാപിതാവിന്റെ ജന്മനാട്ടില്‍ എത്തിയത്. സംസ്ഥാന ക്യാമ്പുകള്‍ക്ക് വേദിയായത്.
തുഞ്ചന്‍ പറമ്പില്‍ ഒരു ദിനം...
രാവിലെ 11 മണിക്കാണ് തിരൂര്‍ തുഞ്ചന്‍പറമ്പില്‍ സംഘമെത്തിയത്. കാഞ്ഞിരമരങ്ങള്‍ക്കിടയില്‍ പല ഭാഗത്തായി തലയുയര്‍ത്തി നില്‍ക്കുന്ന കേരളീയ ശൈലിയില്‍ പണിത കെട്ടിടങ്ങള്‍, സ് മൃതി മണ്ഡപം, ശാരികവൈതല്‍, ക്ഷേത്രം, ക്ഷേത്രകുളം... എന്നിവ സന്ദര്‍ശിച്ച ശേഷം മലയാള സാഹിത്യ മ്യൂസിയത്തിലെ കാഴ്ചകളിലേക്ക് ഞങ്ങള്‍ പ്രവേശിച്ചു. കേരളീയ സാംസ്കാരികതനിമ വിളിച്ചോതുന്ന സ്വാഗത ഡോക്യുമെന്ററിക്ക് ശേ‍‍ഷം കേരളീയപൈതൃകം, കലകള്‍ (കൂത്ത്, കൂടിയാട്ടം, ഓട്ടന്‍ തുള്ളല്‍, കഥകളി തുടങ്ങിയവ) എന്നിവയുടെ ദൃശ്യങ്ങളും മലയാള സാഹിത്യരചനയുടെ തുടക്കം മണിപ്രവാള സാഹിത്യം മുതല്‍ ആധുനികതവരെ ഒരു കുടക്കീഴില്‍, എഴുത്തച്ഛന്‍ മുതലിങ്ങോട്ടുള്ള മലയാള സാഹിത്യ എഴുത്തുകാരുടെ നീണ്ടനിര, ജീവചരിത്ര കുറിപ്പുകള്‍ നമ്മെ സാഹിത്യ നക്ഷത്രങ്ങളെ പരിചയപ്പെടുത്തുന്നു. തുടര്‍ന്ന് 'നിള പറയുന്നു' എന്ന ഡോക്യുമെന്ററി പ്രദര്‍ശനവും കണ്ടു..
എഴുത്തിന്റെ ലോകം - സാഹിത്യ ക്യാമ്പ്...

സംസ്ഥാന തല സാഹിത്യ ക്യാമ്പുകള്‍ക്ക് വേദിയാകുന്ന തുഞ്ചന്‍ പറമ്പില്‍ സാഹിത്യ ക്യാമ്പ് കുട്ടികള്‍ക്കായി ഒരുക്കാനായി. 'എഴുത്തിന്റെ ലോകം' എന്നപേരില്‍ ഒരുക്കിയ ക്യാമ്പ് യൂറീക്ക സബ് എഡിറ്റര്‍ ഷീജടീച്ചര്‍ ഉദ്ഘാടനം ചെയ്തു. വായനയുടെ പ്രാധാന്യം, സര്‍ഗാത്മകത രചനകള്‍ എങ്ങനെ തയ്യാറാക്കാം തുടങ്ങിയ കാര്യങ്ങള്‍ ചര്‍ച്ചചെയ്തു. വിദ്യാരംഗം കണ്‍വീനര്‍ അന്‍സഫ്, ആതിര എ.കെ. എന്നിവര്‍ ക്യാമ്പില്‍ പ്രസംഗിച്ചു.

ഈ ദിവസത്തെ പുണ്യം...
തുഞ്ചന്റെ മണ്ണില്‍ ഒത്തുകൂടിയപ്പോള്‍ ഒരിക്കലും സ്വപ്നംകാണാത്ത ഒന്നായിരുന്നു മലയാളത്തിന്റെ പ്രിയകഥാകരന്‍ എം.ടി. വാസുദേവന്‍ നായരെ നേരില്‍ കാണാന്‍ സാധിക്കുമെന്ന്. എം.ടി. യുടെ ജീവചരിത്ര ഡോക്യുമെന്ററി തയ്യാറാക്കുന്നതിന്റെ ഭാഗമായി തുഞ്ചന്‍പറമ്പില്‍ എത്തിയ എം.ടി. യെ സന്ദര്‍ശിക്കുവാനും ആശിര്‍വാദം വാങ്ങുന്നതിനും കുട്ടികള്‍ക്കായി എം.ടി. യെ കൂടാതെ, മധുസൂദനന്‍ ആലങ്കോട് ലീലാകൃഷ്ണന്‍, കെ. വി. രാമനുണ്ണി, കൂരീപ്പുഴ ശ്രീകുമാര്‍ തുടങ്ങിയ സാഹിത്യ പ്രതിഭകളെ നേരില്‍ കാണാനും കുട്ടികള്‍ക്കായി.




മുന്നൊരുക്കം.
'തുഞ്ചന്റെ മണ്ണിലേക്കൊരു യാത്ര' പ്രഖ്യാപിച്ചപ്പോള്‍ വിനോദത്തിലെ പഠനത്തിനാണല്ലോ പ്രാമുഖ്യം 'എഴുത്തച്ഛന്റെ ജീവചരിത്രം' കുറിപ്പ് തയ്യാറാക്കാന്‍ അവസരമൊരുക്കുകയായിരുന്നു ആദ്യം മികച്ച രീതിയില്‍ ജീവചരിത്രകുറിപ്പ് തയ്യാറാക്കിയ 45 പേര്‍ക്കാണ് അവസരം നല്‍കിയത്. തുഞ്ചന്‍പറമ്പിനെ കുറിച്ചും എഴുത്തച്ഛനെ കുറിച്ചും നല്ല ധാരണ കൈവരിക്കാന്‍ കുട്ടികള്‍ക്കായി. ഇത് സന്ദര്‍ശനത്തെ ഏറെ സഹായിക്കുകയും ചെയ്തു.

വിദ്യാരംഗം കലാസാഹിത്യ വേദിയുടെ ഉദ്ഘാടനം എന്നത് ഒരു ചടങ്ങ് മാത്രമല്ല... മികച്ച അനുഭവമാക്കി മാറ്റാന്‍ സാധിച്ചുവെന്നതാണ് ഈ പ്രവര്‍ത്തനത്തിന്റെ നേട്ടം
 
ജൂലൈ 05 ബഷീര്‍ ദിനം
ബഷീര്‍
മലയാളത്തിന്റെ സുല്‍ത്താന്‍...
ജൂലൈ 5 മലയാളത്തിന്റെ സുല്‍ത്താന്‍ വൈക്കം മുഹമ്മദ് ബഷീറിന്റെ ചരമദിനമാണ്. വിദ്യാരംഗം - ഭാഷാ ക്ലബ്ബുകളുടെ സഹകരണത്തോടെയാണ് ബഷീര്‍ ദിനാചരണ പ്രവര്‍ത്തനം വിദ്യാലയത്തില്‍ ഒരുക്കിയത്.
ബഷീര്‍ - പൂസിതകങ്ങളിലൂടെ.....
ബഷീറിന്റെ എക്കാലത്തേയും മികച്ച രചനകളുടെ പരിചയപ്പെടുത്തലും പ്രദര്‍ശനവുമായിരുന്നു ഈ ഒരുക്കിയത്. പാത്തുമ്മയുടെ ആട്, ന്റെപൂപ്പാക്കൊരനാണ്ടാര്‍ന്നു, മുച്ചീട്ടുകളിക്കാരന്റെ ഭാര്യ... etc. ഓരോ ക്ലാസിലും ബഷീര്‍ എന്ന ഇതാഹാസ സാഹിത്യകാരനെ പരിചയപ്പെടുത്തുകയും വിവരശേഖരണത്തിന് അവസരമൊരുക്കുകയും ബഷീര്‍ കൃതികളെ ആസ്പതമാക്കി ക്വിസ് മത്സരവും ഒരുക്കി.
കഥാപാത്ര പുനഃസൃഷ്ടി...
ബഷീറിന്റെ ഏറ്റവും മികച്ച രചനകളിലൊന്നായ പാത്തുമ്മയുടെ ആടിലെ പാത്തുമ്മയും, ആടും കഥാപാത്രങ്ങള്‍ പുനഃസൃഷ്ടിച്ചത് കുട്ടികള്‍ക്ക് പുതിയ അനുഭവപാഠമായിരുന്നു. 7 B ക്ലാസിലെ സഫ്ന. വി. വി. എന്ന വിദ്യാര്‍ത്ഥി പാത്തുമ്മയായി കുട്ടികളുടെ മുന്നിലെത്തി കൂടെ ആടും... ബഷീന്റെ വിശേഷങ്ങളും പാത്തുമ്മയുടെ ആടിലെ വിശേഷങ്ങളുമൊക്കെ കുട്ടികള്‍ക്ക് ചോദിക്കാനും അതിന്റെ മറുപടി പാത്തുമ്മയായി തന്നെ സഫ്ന പങ്കുവെക്കുകയും ചെയ്തു.
ഒരിക്കലും മറക്കാനാവാത്ത അനുഭവമാണ് കുട്ടികള്‍ക്ക് ഇതിലൂടെ സമ്മാനിച്ചത്.




ജൂലൈ -21
ചന്ദ്രദിനം
ജൂലൈ 21 ചന്ദ്രദിനാചരണത്തിന്റെ ഭാഗമായി വിദ്യാലയ ശാസ്ത്രക്ലബ്ബിന്റെ നേതൃത്വത്തില്‍ വിദ്യാലയത്തില്‍ വൈവിദ്യമാര്‍ന്ന പ്രവര്‍ത്തനങ്ങളൊരുക്കി.
ചാര്‍ട്ട് മത്സരം.
ക്ലാസടിസ്ഥാനത്തില്‍ ചന്ദ്രനെകുറിച്ചു് ചാര്‍ട്ട് മത്സരം ഒരുക്കി. ചാര്‍ട്ട് പ്രദര്‍ശനവും ആകാശ കാഴ്ചകളും വിസ്മയങ്ങളും തീര്‍ക്കുന്ന ഡോക്യുമെന്ററികളുടെ പ്രദര്‍ശനവും നടത്തി.
ഗ്രാന്റ് ക്വിസ്സ്
2 പേര്‍ വീതമുള്ള 15 ടീമുകള്‍ 5റൗണ്ടുകള്‍ ഓഡിയോ, വീഡിയോ സംവിധാനങ്ങളുടെ സഹായത്തോടെ ഒരുക്കിയ മെഗാ ഗ്രാന്റ് ക്വിസ്സ് വിദ്യാര്‍ത്ഥി പങ്കാളിത്തം കൊണ്ട് വളരെയധികം ശ്രദ്ധേയമായ ഒന്നായിരുന്നു.


വായനയൂടെ വസന്തം വിരിയട്ടെ...
വായനാദിനം,
വായനയുടെ മഹാത്മ്യം മലയാളിക്ക് പരിചയപ്പെടുത്തിയ ശ്രീ. വി. എന്‍. പണിക്കരുടെ ചരമദിനം.... കുഞ്ഞുമനസ്സുകളില്‍ വായനയുടെ പുതുലോകം തീര്‍ക്കുവാന്‍ സഹായകമായ തരത്തിലുള്ള പ്രവര്‍ത്തനങ്ങള്‍ ആണ് വിദ്യാലയത്തിലിന്നൊരുക്കിയത്.
കുഞ്ഞുവായന -
വായനാകാര്‍ഡുകള്‍ ഒരുക്കി ലഖുവായനക്കുള്ള അവസരമായിരുന്നു ഒന്ന്, രണ്ട് ക്ലാസുകളില്‍ ഒരുക്കിയത്. ക്ലാസുകളിലെ മുഴുവന്‍ കുട്ടികള്‍ക്കും വായനക്കുള്ള അവസരവും നല്‍കി. ചിത്രകഥാപുസ്തകങ്ങള്‍ എല്ലാവര്‍ക്കും സമ്മാനമായി നല്‍കുകയും ചെയ്തു. ഓരോ ക്ലാസുകളിലും ആദ്യത്തെ പിരിയേഡ് വായനാദിനപ്രവര്‍ത്തനങ്ങളായി പുസ്തകപരിചയം, എഴുത്തുകാരെ പരിചയപ്പെടല്‍..... ജീവചരിത്രകുറിപ്പ്,... ആത്മകഥ,... ചരിത്രപുസ്തകങ്ങള്‍, യാത്രാവിവരണം തുടങ്ങി.... വിവിധ മേഖലകളിലെ പുസ്തകങ്ങള്‍ ക്ലാസുകളില്‍ പരിചയപ്പെടുത്തി....

വായനാമത്സരം
വായനാകാര്‍ഡ് നല്‍കി ഗ്രൂപ്പടിസ്ഥാനത്തില്‍ വ്യക്തിഗതവായനക്ക് അവസരം നല്‍കി. ഗ്രൂപ്പില്‍ നന്നായി വായിച്ചയാളുകളെ കണ്ടെത്തി ക്ലാസില്‍ വായനാമത്സരം നടത്തി.

പുസ്തക വിതരണം...

മുഴുവന്‍ വിദ്യാര്‍ത്ഥികള്‍ക്കും (ഒന്നാം ക്ലാസ് മുതല്‍ ഏഴാം ക്ലാസുവരെ) ഇഷ്ടമുള്ള പുസ്തകങ്ങള്‍ തെരഞ്ഞെടുക്കുന്നതിന് അവസരം നല്‍കി. ക്ലാസ് ലൈബ്രറി സംവിധാനം ഒരുക്കി.

വായനക്കൊരു റിയാലിറ്റി ഷോ....

ആരാണ് വിദ്യാലയത്തിലെ മികച്ച വായനക്കാരി 'വായനക്കാരന്‍....അതു കണ്ടുപിടിക്കാനാണ് വായനക്കൊരു റിയാലിറ്റി ഷോ …. ഒരുക്കുന്നത്. ക്ലാസടിസ്ഥാനത്തില്‍ നിന്നും തെരഞ്ഞെടുക്കുന്ന കുട്ടികള്‍ക്ക് പൊതുവായി ഒരു മത്സരം ഒരുക്കുന്നു. പദ്യവായന, ഗദ്യവായന എന്നീ രണ്ട് ഘട്ടങ്ങളില്‍ മത്സരം പുരോഗമിച്ചു. വിജയിക്ക് സമ്മാനങ്ങളും നല്‍കുന്നു.

ക്ലാസ് ലൈബ്രറി

മുഴുവന്‍ ക്ലാസുകളിലും ക്ലാസ് ലൈബ്രറി സംവിധാനം ഒരുക്കി. 24 കവിത, ആത്മകഥ, ബാലസാഹിത്യം തുടങ്ങി വിവിധ മേഖലകളിലായി 150ല്‍ പരം പുസ്തകങ്ങള്‍ നല്‍കി. ക്ലാസ് ലൈബ്രറി പ്രവര്‍ത്തനം കാര്യക്ഷമമാക്കി മാറ്റി....

വായനയുടെ പുതു ലോകത്തേക്ക് കുട്ടികളെ കൂട്ടികൊണ്ട് പോകുന്ന തരത്തില്‍ മികവാര്‍ന്ന പ്രവര്‍ത്തനങ്ങളാണ് ഈ വായാനാവാരാഘോഷത്തിന്റെ ഭാഗമായി വിദ്യാലയം ഏറ്റെടുത്ത് നടത്തിയത്. ഈ പ്രവര്‍ത്തനങ്ങള്‍ അവസാനിക്കുന്നില്ല.....